Wetin suppose be normal match for Aba don turn carnival wey pass carnival as Obi Cubana — the nightlife don wey sabi scatter town — carry im money and presence land Enyimba.
Stadium full like Christmas market that day. As Cubana open mouth talk say ₦1m for every goal, everywhere burst. The promise alone dey ginger the People’s Elephant as dem face Niger Tornadoes, na weytin hitvibz yan be dat
Obi Cubana Carry Match Turn Aba Biggest Show
Forget say na only Matchday 2. This one no be ordinary ball. With Papilo himself, Kanu Nwankwo, dey steer Enyimba as Chairman, the thing resemble Champions League opening ceremony.
Just few days after Kanu gather Igbo business moguls for Kano, the man pull another masterstroke: he drag Cubana, the oga of Cubana Group, land for Aba.
And omo, Cubana no come quietly. He storm with full squad: MC Cogency (MC Ndi Eriwa), Timaya Anyaso (Xclusive by Cubana CEO), Mr. Ola Bidemi, Hon. Janson Eke (Jiga Pop boss). If you see the entourage, e be like Grammy award red carpet.
As dem hand Cubana customised Enyimba jersey, na so stadium scatter. Even the floodlight self dey shine brighter.
Kanu’s Plan Jam Cubana’s Cash Out
Make we talk am straight: Cubana no just come snap picture. The ₦1m per goal package na real ginger. Players eyes red that day.
Enyimba respond sharp-sharp. New signing Joseph Abiodun nod one correct header inside first half — boom, 1–0! Aba erupt like say Super Eagles win World Cup.
Cubana sef dey beam. Him yarn:
“This one pass football. Na culture. Na unity. Na support for our own. Enyimba na pride of Naija. We go push dem reach top again.”
Fans no gree calm down. Dem dey hail the Aba Boys wey not only collect three points but also show say when business and football shake hands, na win-win for everybody.
Kanu no dey joke. Him blueprint na to mix football excellence with solid business partnership.
With Cubana don join the train, na clear signal say dis Aba team dey gather the kind support wey fit carry dem climb back to top of African football.
You like this gist abi?
Oya, we go like hear from you. Help us drop small comment for the box below!
Last Updated on September 3, 2025 9:17 am by Hitvibz Media
Stay connected