Plenty Ondo State residents don vex as dia Governor Lucky Aiyedatiwa commission one borehole and one keke ambulance to mark him first year for office. The move wey suppose be celebration don turn serious gbas gbos for the state.
For many residents for di state, this kind commissioning no follow at all, especially for oil-producing state wey dey collect big money from FAAC allocation and derivation funds, na weytin hitvibz dey yan be dat.
Ondo State Residents Blast Lucky Aiyedatiwa for di Keke Ambulance
Dem talk say state like Ondo suppose dey show better project, no be borehole and keke ambulance for anniversary matter.
Few days ago, as part of him first-year celebration, Lucky Aiyedatiwa, wey him deputy Dr Olayide Adelami represent, commission the tricycle ambulance plus 100,000-litre water supply scheme for Federal University of Technology Akure Teaching Hospital complex.
But the matter quickly scatter online and offline.
Human rights activist, Omoyele Sowore, no waste time drag the governor for em bear bear. According to am:
“An oil-producing state reduced to using a Kéké as an ambulance? Hon. Lucky Orimisan Aiyedatiwa presides over a state that receives derivation funds from oil revenue. Ondo is not bankrupt. Ondo is not landlocked. Ondo is not a war zone. Yet, citizens in medical distress are transported in tricycles? It is finished!.”
That statement pour more petrol for the fire as many residents for the state even begin question the kind healthcare development wey dey happen.
Lucky Aiyedatiwa Aide Defend Tricycle Ambulance Strategy
As dem dey yarb the man upandan, Yomi Oyekan, aide to Lucky Aiyedatiwa, come out, come dey defend em oga kpata kpata.
According to am, the keke ambulances no be replacement for normal ambulance; na strategic addition for rural healthcare access and emergency response.
He talk say the tricycle ambulance dey help reach riverine communities, narrow roads and villages wey big ambulance no fit enter fast.
“Healthcare delivery is not about optics; it is about accessibility and saving lives. It is quite interesting to see some critics suddenly develop selective outrage over the recent distribution of modified tricycle ambulances.
“Were they blind when the administration of Lucky Orimisan Aiyedatiwa unveiled and distributed fully equipped conventional ambulances across the state? Were they silent when emergency medical services were strengthened, response systems upgraded, and healthcare facilities supported with life-saving equipment?
“Governance requires practical solutions tailored to real terrain and real people. Ondo State deserves both conventional ambulances for highways and advanced emergencies and agile tricycle units for interior communities. Selective criticism does not save lives; responsive leadership does.”
Despite the explanation, people no send em papa as the matter still dey hot for Ondo State, dem dey ask whether the first-year anniversary projects match the expectation of an oil-rich state.
As it stands now, the keke ambulance matter don turn serious political and social discussion across the state.
Other States Don Show Example For Keke Ambulance Healthcare Strategy
Two years back, Ogun State Government move different kind healthcare strategy when dem deploy about 90 ultra modern Keke ambulance.
Dem say di idea na to fight maternal mortality, protect pikin health, and handle small emergency medical cases fast.
For Katsina State, Govnor Dikko Umaru Radda follow launch Keke ambulance initiative for December 2025.
Em say di programme suppose improve emergency medical service delivery across all 361 political wards inside Katsina State.
You like this gist abi?
Oya, we go like hear from you. Help us drop small comment for the box below!
Last Updated on February 23, 2026 9:51 am by Hitvibz Media
Stay connected