The 2026 Nigeria Women Football League (NWFL) Premiership Super Six playoffs carry beta shock-up enter Port Harcourt on Monday as new-bie team Abia Angels shin-win hosts Rivers Angels 1-0 for inside Adokiye Amiesimaka Stadium.
After Rivers Angels bounce clear FC Robo Queens 3-2 for their first match, na so Winner David enter inside box come fly head put cross inside net for the 26th minute.
Even though Rivers girls hold ball well well for second half, the Abia defence stand gidigba, dem non gree open gate.
Rivers Angels NWFL Super Six Match Analysis
As Coach Tosan Blankson dey look how the match take fly comot for their hand after his girls create pure chances to score, the Rivers Angels coach yarn say his strikers non sharp at all for front of goal.
“All of una watch the match. Sometimes football dey wicked. The girls go party today, but dem non fit dance the dance for the party. Sometimes person dey get bad day. The strikers, the chances show, chances upon chances, but today na just bad day for dem.”
The heavy rain for Garden City affect the match well well, and e force the coach to change the way his team dey build ball from back. Blankson clear the air on why dem bypass the middle of the pitch totally:
“We try to pass the center, but we see say because water block the field small, e dey ground the ball, the girls non fit control am well. So we come bypass the midfield straight, dey troway long ball from defense go meet the strikers.”
Even though dem lose crucial points for house to the Super Six new-comers, the boss still raise shoulder up for the way his girls play, say na just small slip for defense cause the wahala.
“Dem play well, well. Na just slip dem slip when dem chop that goal, and after the goal enter, dem get all the chances to draw the match and even win am. But the draw goal non show; the winning goal non come at all.”
Tosan Blankson don shift post go dia next Super Six match
As Rivers Angels don beat the same Abia Angels for FA Cup before, people come dey ask weddan the Abia girls don mastering Blankson tactics. The coach sharp-ally talk say league play-off and FA Cup na two different things.
“No be say dem master my tactics. The difference now be say FA Cup na entirely different ball game from league. So as we dey Super 6 now, if you non conversion your chances, na your headache. We non use our chances, na why we lose so.”
As dem don get one win and one loss now for the Super Six table, Blankson say work don set for the coaches to reset the girls brain for the next matches ahead.
“Na work now for the coaching crew to reset the girls brain. Make dem know say for inside football, na your last match dem take dey judge you. That last match don waka pass be that. Make dem just face the one web dey come front now.”
You like this gist abi?
Oya, we go like hear from you. Help us drop small comment for the box below!
Last Updated on June 9, 2026 12:39 pm by Hitvibz Media
"We play well well" — Rivers Angels boss Blankson non gree, reveal wetin make Abia Angels beat dem
Stay connected