Super Eagles don ready to check new faces as head coach Eric Chelle confirm say he get plans to test fresh players before the 2026 Unity Cup start.
As he dey look for players wey dey abroad and the ones wey dey play for our Nigeria Premier Football League (NPFL), this tournament na big chance to rearrange the team, na weytin hitvibz dey yan be dat.
Super Eagles dey find new options as NPFL stars join the line-up
The Eagles go dey try defend their Unity Cup title for The Valley (Charlton Athletic stadium), and the competition go hold from May 26 to May 30.
Four countries naim go show: India, Zimbabwe, and Jamaica.
Nigeria go jam Zimbabwe for semi-final, while India and Jamaica go drag who go play final. The Unity Cup go be like test-run ground to see how the new players go fit mix with the old ones.
Chelle talk am clear say he go use this competition take look fresh talents from everywhere.
“Unity Cup na platform to check new players. I go comb Europe find players wey get Nigerian blood, and I go also invite those wey we don call before but dem no get chance to play,” na so Chelle tell Super Eagles media team.
NPFL players go get chance as Super Eagles start to scout everywhere
One big thing for Chelle plan na how he wan carry NPFL players join. He aim na to reward those wey dey perform well for our local league with national team invite.
“I go also consider top players from the Nigeria Premier Football League because I go dey watch many local league games from now reach the end of the season.”
This move show say the road don open again for home-based players to enter Super Eagles, especially as dem go dey scout the NPFL well-well for the coming weeks.
Aside from Unity Cup, Nigeria go still play Poland and Portugal for heavy international friendly games this June. These matches go really test the team and fit help Nigeria climb up for world ranking.
Chelle confirm say he go use his main first eleven for those big games.
“For the big warm-up games for June against Poland and Portugal, I go use my main players. These na games wey fit push us go up for FIFA ranking if we win dem.”
With this style of mixing new boys with the regular seniors, e be like say Super Eagles don ready for beta level as dem dey try build the team and still win trophies.
You like this gist abi?
Oya, we go like hear from you. Help us drop small comment for the box below!
Last Updated on April 15, 2026 6:42 am by Hitvibz Media
Stay connected