Super Eagles of Naija end their 2025 AFCON journey with beta vibe as dem knack Egypt 4–2 for penalty shootout take bronze medal for Casablanca.
Third-place match end for normal time without goal, but Naija boys no shake as dem calm for penalty side come beat Pharaohs, na weytin hitvibz dey yan be dat.
Super Eagles Hold Body for First Half
Naija enter match with ginger, dem press Egypt early-early make dem fall back.
For 36th minute, Eagles think say dem don score when Samuel Chukwueze cross enter net, but VAR talk say foul dey before am, dem cancel goal.
Egypt arrange dem defence well, no allow clear chance, both teams just dey find dem foot. First half end 0–0, show say match tight and tactical well-well.
Nwabali Turn Hero for Penalty
Second half no too different. Naija nearly open scoring early when Ademola Lookman try am, but offside kill the chance.
Even though pace increase, nobody fit break the deadlock before referee blow final whistle.
For penalty shootout, goalkeeper Stanley Nwabali turn full boss. E save two Egypt penalties, including own from Mohamed Salah and Omar Marmoush.
Akor Adams, Moses Simon, Alex Iwobi and Lookman score for Naija, seal the win, even though Dele-Bashiru own penalty no enter.
That win make Eagles collect AFCON bronze medal with pride and end tournament on high note.
E still give hope and confidence for Eric Chelle and him boys going forward.
Nigeria don enter AFCON top three 17 times — pass any other African country.
🥇 Champion: 3 times
🥈 Second place: 5 times
🥉 Third place: 9 times
You like this gist abi?
Oya, we go like hear from you. Help us drop small comment for the box below!
Last Updated on January 17, 2026 10:57 pm by Hitvibz Media
Stay connected