E be like say Super Eagles coach go dey wake up for night dey reason how e go take get Tolu Arokodare number, so em fit add this guy inside Nigeria squad.
Tolu Arokodare no just gree for anybody this season as e don tear net 16 times for Genk, breaking im personal record, Hitvibz reports.
But na the way e take do am for Friday match against Sporting Charleroi wey make everybody dey talk.
Tolu Arokodare no dey carry last – Em late goal enter record books
Before the match, Arokodare don already balance for 15 goals—and na wetin e score for Latvian club Valmiera back in 2020.
But against Charleroi, the guy no wan hear say e still dey tie with past version of himself.
Na 70 minutes dem don play when e see better cross from Jarne Steuckers. Omo, e no waste time at all—sharp sharp, e rise like carry wey dem pour better cold water come add groundnut inside, nod the ball enter net.
Na so e take break im own record and enter Genk history.
But wahala burst as Charleroi knack last-minute penalty through Daan Heymans, come spoil Genk three points. E pain, but Arokodare still shine pass.
Super Eagles fit no ignore this kind form na
Even with the draw, Tolu Arokodare still dey lead as Jupiler Pro League top scorer, with 16 goals in 28 matches.
Im leg no dey rest, as e don score against 12 different teams this season.
With the way Super Eagles coach dey prepare to drop list for 2026 World Cup qualifiers, e go hard make dem no reason this guy. You dey whine me?
Striker wey dey show em face steady, em boot shine, em form dey on fire, like this, like this, em fit be the answer wey Nigeria dey find for attack.
So, how una see am? E don reach time for Super Eagles to call am up?
Be the first to comment on "Tolu Arokodare don tear net 16 times for Genk – Super Eagles coach go dey see am for dream every night"