Wetin for be sweet start turn wahala, as Umeh Emmanuel shine for FC Zurich first Swiss League match — but na serious heartbreak end the night for dia home fans.
Di young Naija baller knack two better assists wey give Zurich early lead, but dem later fall yakata 2-3 as Sion come from behind win dem for dia own backyard, na weytin hitvibz dey yan be dat.
Umeh Emmanuel Scatter Ground for Swiss League First Match
Di 20-year-old Naija boy dey on fire for Letzigrund Stadium. From kickoff, Emmanuel no waste time show say him mean business — e dey control ball, dey ginger attack anyhow.
First assist drop for 27th minute — e join body with Steven Zuber wey calmly finish am to carry Zurich go 1-0 lead before halftime.
Ten minutes after second half start, Emmanuel still dey cook. Dis time na Damienus Reverson chop the second assist as e knock ball enter net to double di lead — fans begin para celebrate.
E quick brain and sharp eye make Zurich attack dey buzz all night, and e clearly be di best man for pitch.
Naija padi of Emmanuel, 19-year-old Kelechi Daniel Ihendu wey dem born for Germany, also show face as e play him first match for the club.
Late Gbese Spoil Emmanuel Show
But wahala enter as Emmanuel comot for pitch around 82nd minute.
After e don run tins and deliver two correct assists, coach replace am with Nvendo Ferrier. Na from there tins begin scatter.
Small time later, Sion score one through Rilind Nivokazi. Before anybody fit shout, Josias Lukembila — wey just enter — knock two quick goals for stoppage time turn everything upside down.
Na real gbege for Zurich, especially for Emmanuel wey hustle from start. E deserve better pass wetin end the night.
Dem get control of match from start, but small-small yama-yama towards the end cost dem three points.
Wetin Dey Next for Emmanuel and Him Guys?
Even though dem lose, Emmanuel performance na one big correct takeaway Zurich go carry enter next game.
Swiss League still dey fresh, and di Naija boy don already show say him no come play.
Zurich go try bounce back this Sunday as dem go jam Luzern. With ballers like Emmanuel wey dey hot, hope still full ground for better comeback.
You like this gist abi?
Oya, we go like hear from you. Help us drop small comment for the box below!
Last Updated on July 26, 2025 2:31 pm by Hitvibz Media
Be the first to comment on "Umeh Emmanuel Chop 2 Better Assists as FC Zurich Dash 2-Goal Lead Give Sion"