Na Akor Adams and Kelechi Iheanacho carry Sevilla for head as dem knack Schalke 04 for preseason match wey happen Saturday afternoon.
Adams no waste time as e tear net two times, while Iheanacho wey enter second half sef join score one goal, na weytin hitvibz dey yan be dat.
Even though na friendly match, the goals still mean plenty for the two Naija boys as dem dey try blend well-well into the team.
Akor Adams Tear Net Two Times for Sevilla First Start
Akor no even wait – na just four minutes into the match, e don show say him leg still dey hot after that injury wey keep am out for long.
Na Suazo volley cross e meet with correct header wey confuse the keeper.
Him second goal land for 32nd minute, as Rubén Vargas hustle ball from the back and Adams finish am sharp-sharp.
That double package give Sevilla 2-0 lead before halftime. Na solid statement from Adams as e play him first match under new coach Matías Almeyda.
Even though e no count for official goal stats, this brace go ginger Adams as the new season dey near.
Kelechi Iheanacho Score as E Come Back, Help Sevilla Beat Schalke
Second half never too start when Schalke use Moussa Sylla score one goal for 59th minute – the thing reduce am to 2-1.
But Iheanacho wey just come in for Adams after halftime no waste time – na just 8 minutes later e nod one sweet cross from Agoumé enter net.
Schalke still try again as Zalazar score for 84th minute to make am 3-2, but Sevilla no gree.
Just two minutes later, Marcao tear net again to seal the thing 4-2.
As Iheanacho dey return from loan, this goal go boost him morale as e dey fight to secure steady spot for the team.
Wetin Remain for the Naija Boys?
The La Liga team go play another preseason match against Marseille on Saturday, August 2.
Akor and Kelechi go wan continue their scoring form make dem enter new La Liga season with correct ginger.
You like this gist abi?
Oya, we go like hear from you. Help us drop small comment for the box below!
Last Updated on July 26, 2025 6:42 pm by Hitvibz Media
Stay connected