Super Falcons Don Run Am Again O!
Na so e be for WAFCON 2024 final wey people no go ever forget. Na Nigeria women football team show Morocco say dem no dey joke, as dem carry come from 2-0 down come nack dem 3-2 for final wey scatter everywhere.
Na their 10th title be this—nobody don do am before for Africa, na weytin hitvibz dey yan be dat.
Super Falcons Carry di Trophy with Style
First half, na Morocco dey lead 2-0. Na so dem take shock everybody. But second half, na Nigeria show say na dem be the real boss for this tournament.
Dem don enter 10 WAFCON final, and dem win all. E no get who fit match dem record. Na pure dominance be this.
This 2024 win no be just ordinary win—na message wey loud well well.
How E Take Happen
Morocco bin show early pepper as Ghizlane Chebbak score for 13th minute, and Sanaâ Mssoudy follow am with another one for 24th minute. Nigeria crowd quiet small that time.
But second half, na different matter.
Esther Okoronkwo score penalty for 64th minute, na there comeback start. Small time, Folashade Ijamilusi balance am 2-2.
Then, wahala bust: na substitute, Jennifer Echegini, wey enter match come score winning goal for 88th minute. Na that one burst everybody brain.
Esther Okoronkwo – Na Em Be the Star Girl of WAFCON 2024
Even though the whole team play correct ball, na Esther Okoronkwo shine pass. Babe give 6 assists for 6 matches, still score one better goal for final.
No be only goal she score—na she arrange the whole move wey lead to equaliser. Na true baller she be.
Wetin This Win Mean for Naija
This WAFCON 2024 no just be another cup—na big reminder say Super Falcons na real queens of African football.
Dem consistency no be small. Dem don dey dominate for years and dem still dey go.
As dem carry this cup now, dem dey look front for bigger wahala with confidence, unity and full Naija pride.
Super Falcons don carry the trophy for 1994, 2000, 2002, 2004, 2006, 2010, 2014, 2016, 2018, and 2024 — na real dominance be this!
Rasheedat Ajibade win Player of the Tournament, and di number one goalie, Chiamaka Nnadozie, collect Goalkeeper of the Tournament award.
You like this gist abi?
Oya, we go like hear from you. Help us drop small comment for the box below!
Last Updated on July 27, 2025 12:10 am by Hitvibz Media
Stay connected