Super Eagles striker Victor Osimhen scatter ground on Sunday as he carry Galatasaray go collect correct win against Kayserispor for their Turkish Super Lig match.
For the Matchday 20 game wey happen for RAMS Park, the Naija striker score one goal and still give assist for another one, as Galatasaray hammer Kayserispor 4–0 without stress, na weytin hitvibz dey yan be dat.
Osimhen Carry Galatasaray Enter Big Win for Super Lig
Osimhen don now score for two Super Lig matches back-to-back, after the winning goal wey he score against Karagümrük for their last match.
The 27-year-old don push him league goals reach eight this season, plus one assist. If you count all competitions, baba don score 14 goals already, including six for UEFA Champions League.
Osimhen play for 82 minutes before dem sub am comot bring Ahmed Kutucu enter. The match still sweet pass because Osimhen hit big career milestone:
👕 336 matches
⚽ 200 goals
🎯 51 assists
Correct baller, no be small.
The first goal come early for 7th minute when Kayserispor defender Aaron Opoku mistakenly clear ball enter him own net.
Galatasaray Tear Kayserispor Apart with Four Goals
Di home team make am two for 26th minute after Osimhen coolly slot penalty enter left corner. Goalkeeper Bilal Bayazit no even near am.
After halftime, Galatasaray no remove leg. Just after one hour, Gabriel Sara fire strong shot enter bottom left corner after Osimhen arrange better lay-off for am.
Kayserispor think say dem don score one through Miguel Cardoso, but VAR cancel am say offside dey before the goal.
For stoppage time, Mauro Icardi seal everything with another penalty. Even though Bayazit touch the ball small, e still enter net, as the Lions complete one full domination night.
You like this gist abi?
Oya, we go like hear from you. Help us drop small comment for the box below!
Last Updated on February 1, 2026 9:32 pm by Hitvibz Media
Stay connected