Post Views: 625

Super Eagles baller Nathan Tella don show say e no come Germany to play, as e drop him first assist for Bundesliga. But omo, Bayer Leverkusen still fall hand for last minute as Werder Bremen drag dem 3-3 for Weserstadion.

Nathan Tella in action during Bundesliga clash with Bremen

The Naija forward shine small, but na the Leverkusen defence wey resemble Agege fence collapse scatter Ten Hag parade. First win still far like NEPA light for village, na weytin hitvibz dey yan be dat.

Nathan Tella Fire Leverkusen’s Early Groove

Na Tella start the fire. Baba thief ball from Bremen Karim Coulibaly like street pickpocket, dash am quick to Patrik Schick, and boom—goal!

Nathan Tella celebrates Bundesliga assist for Bayer Leverkusen

The 26-year-old dey everywhere like okada man for rush hour. E play 88 minutes before Ten Hag carry am comot give Ibrahim Maza chance.

Leverkusen con dey in charge early. Malik Tillman add second goal sharp-sharp on top him debut. At that point, Bremen be like dem wan beg ref to blow final whistle.

  Collins Sor Shoe Shine as Genk Flog Lech Poznań Woto-Woto for Europa League

But football no be beans. Bremen no gree. Romano Schmid chop penalty before halftime. Visitors come dey shake like person wey hear landlord dey outside gate.

Nathan Tella provides first Bundesliga assist for Bayer Leverkusen

Werder Bremen’s Fightback Shock Ten Hag Boys

Second half na wahala. Bremen captain Niklas Stark chop red card, Leverkusen fans dey shout “game over.”

Schick even add another goal for penalty, make am 3-1. People don dey order extra beer for viewing centre.

  Emeka Eze, Akanbi Lead Goal Cruise as 8 Other Naija Ballers Scatter Pitch Abroad

Nathan Tella Bags First Bundesliga Assist

But na so wahala start. Isaac Schmidt, wey just dey play him first Bundesliga match, reduce am to 3-2.

Bremen fans ginger, Leverkusen defence dey play like dem dey practise “open the door make thief enter.”

Last-last, injury time come turn Nollywood. That same Coulibaly wey first do error con redeem himself.

Bar shake, rebound fall, Coulibaly smash am inside net like angry mechanic. 3-3. Weserstadion scatter like owambe.

Na so match end. Ten Hag still dey find him first Bundesliga win, Bremen still dey dry like person wey wait for rain. Both teams never sabi win this season.

  Victor Osimhen Don Open Em Galatasaray Shop as Kayserispor Chop Goals Like Suya Wey No Get Pepper
You like this gist abi?
Oya, we go like hear from you. Help us drop small comment for the box below!

Last Updated on August 30, 2025 6:48 pm by Hitvibz Media