Just two weeks before AFCON 2025 go start, Victor Osimhen don show say him body don balance gidigba as him tear net twice to ginger Galatasaray for their hard-won home victory for Turkish Super Lig on Friday night.
Osimhen knack Galatasaray second goal, come later seal the winning goal as the Lions nearly do “finish us” by allow Samsunspor drag dem from 2–0 to 3–2 for RAMS Park inside Super Lig Round 15, na weytin hitvibz dey yan be dat.
Victor Osimhen Don Enter Double Digits Before AFCON 2025
Baba don hit double digits for goals this season after playing full 90 minutes like soldier.
The 26-year-old don score him fifth league goal this campaign, boost am to 11 goals in 14 games for the Turkish champions — inside that package e still get six Champions League goals.
Last time wey he score for Galatasaray na November 5, when him scatter Ajax with hat-trick for Champions League.
After that one, him leg come cool small — two games no goal — because of the small injury wey him pick for Nigeria World Cup playoff against DR Congo.
Galatasaray Don Bounce Back for Title Race
Galatasaray start the match like say dem drink premium diesel. Leroy Sané open scoring inside eight minutes, control Torreira pass inside box, come finish am like person wey no dey rush.
Na that same Sané come turn to “delivery man” 21 minutes later. Him carry ball from back, raise him head like sniper, see Osimhen run, pack better through pass give am.
Osimhen use him trademark speed, chop defender, confuse keeper, slot am inside from tight angle — normal Osimhen wahala.
Before that goal sef, Galatasaray don get two close chances back-to-back through Osimhen and Sané.
Keeper first deny Osimhen from Abdülkerim cross, seconds later Sané blow chance wey Osimhen give am with sweet cut-back.
Second half never too old when Samsunspor pull one back through Anthony Musaba inside 56th minute, turn the match to tension movie.
As if that one no do, the visitors equalise for 88th minute — stadium just quiet like exam hall.
But for added time, Osimhen deliver again — this time bicycle kick wey get fans shouting “WOOW!” like say dem dey watch kung-fu film. The thing settle the match 3–2.
After Champions League narrow loss to Union Saint-Gilloise and that 1–1 draw with Fenerbahce, this win don put Galatasaray back for correct lane as dem still dey top Super Lig.
Now wey confidence don return, Osimhen and him boys dey eye their Champions League showdown against Monaco on Tuesday night.
You like this gist abi?
Oya, we go like hear from you. Help us drop small comment for the box below!
Last Updated on December 5, 2025 9:19 pm by Hitvibz Media
Stay connected