Post Views: 462

Naija striker Emeka Eze don complete better move go Sarıyer S.K, as the Istanbul club dey find firepower to survive for TFF First League this season.

Emeka Eze moves to another TFF First League side Sarıyer S.K

Di 29-year-old forward join the club for mid-season, ready to bring goals and experience come help team wey dey struggle for table, na weytin hitvibz dey yan be dat.

Emeka Eze Don Sign for Sarıyer for Big January Move

Sarıyer Sports Club confirm Emeka Eze signing for their official social media after dem agree with Çorum FK.

Negotiation go smooth well-well, and the Naija forward don sign contract wey go see am wear Sarıyer colour till end of season.

Emeka Eze in Sarıyer S.K jersey during unveiling

People sabi Eze for him strong body, sharp pressing, and how e dey find space inside box. Club believe say Eze go add quality and confidence as season dey enter serious stage.

  Emeka Eze and Francis Ezeh show clubs pepper as Nigerian players abroad scatter net with goals

Eze Journey and Wetin E Go Bring for TFF First League

As e be now, Sarıyer S.K dey sit 17th for TFF First League, with just six wins from 19 matches. Relegation dey knock door, and fans dey hope say Emeka Eze go score the goals wey go help dem survive.

Eze start him career for Cameroon, play for Oxygène de Mfou and Aigle Royal Menoua before e move go Finland for 2017 to join Rovaniemi.

For there, e score seven goals and add two assists for 21 matches, wey later give am chance move go Austria join Sturm Graz. For three seasons, e record six goals and three assists for 43 games.

  Emeka Eze, Akanbi Lead Goal Cruise as 8 Other Naija Ballers Scatter Pitch Abroad

Since 2019, Emeka Eze don really make name for Turkey. E shine for Adanaspor on loan, then burst brain for Ankara Keçiörengücü where e score 22 goals and give five assists for 45 matches.

For 2021–2022 season, e finish as second top scorer for Turkish second division with 16 goals from 30 games.

E later play for Eyüpspor and Istanbulspor, before e bounce back strong for Pendikspor with 13 goals and two assists for 33 matches.

Emeka Eze Joins Another Turkish Side Sarıyer S.K to Lead Survival Push

That performance catch Çorum FK eye, where e score eight goals and make two assists for 20 appearances before e finally move join Sarıyer S.K.

  Emeka Eze knack 12th goal contribution make Sarıyer bail demsef against 10-man Amed Sportif

With all this experience for TFF First League, Emeka Eze don land as correct addition and main man for Sarıyer fight against relegation.

You like this gist abi?
Oya, we go like hear from you. Help us drop small comment for the box below!

Last Updated on January 8, 2026 3:03 pm by Hitvibz Media