Anger don full Twitter (X) as many Nigerians don too dey complain now say their internet data dey vanish anyhow dis days.
Amid the noise, one user wey dem know as Onu Slim don carry the matter go meet Elon Musk directly, dey beg am say make em make Starlink more affordable for Nigerians, na weytin hitvibz dey yan be dat.
Nigerians Cry Out Over MTN Nigeria Data Theft Allegations
Plenty users don too accuse MTN Nigeria dis days, even Airtel Nigeria and Globacom join, say dem dey chop data pass wetin customers dey use.
According to Slim, internet access for Nigeria don turn “scam,” as people dey spend heavy money but no see value. E talk say network speed no stable, while data dey finish faster than expected.
Reports wey follow the complaints show say Nigerians use about 4 billion gigabytes of data between January and March 2026, with total spending reaching around ₦3.33 trillion. The figure don shock many, especially as complaints dey increase.
Nigerians See Starlink as Solution but Price Still High
For him message, Slim point to Starlink as better alternative wey don already change the game for some users.
But the main problem remain the cost.
He beg Elon Musk say make e reduce the price so average Nigerians fit afford am.
According to am, cheaper Starlink go open more opportunities for young Nigerians wey dey build businesses, learn skills and work online daily.
Slim add say Nigeria dey ready for better internet, and if Starlink become affordable, e fit disrupt the current telecom space and create massive digital growth.
Slim Onu full write up for X na em be dis:
“Dear @elonmusk
Nigerians need your help.
Internet for here don be like scam. We dey pay for data from MTN Nigeria, Airtel Nigeria and Globacom, but the speed no dey stable and data dey finish faster than e suppose.
Nigerians don use about 4 billion gigabytes of data within just 3 months — from January to March 2026. We spend about ₦3.33 trillion on data alone.
Starlink don already change game, but the price still too high for millions of people wey really need am.
Abeg make Starlink more affordable for Nigeria.
You no go just scatter the market, you go open big opportunities for millions of young people wey dey build, learn and work online every day.
Africa don ready, and Nigeria dey wait.”
You like this gist abi?
Oya, we go like hear from you. Help us drop small comment for the box below!
Last Updated on May 5, 2026 6:19 pm by Hitvibz Media
Twitter User Beg Elon Musk Make Starlink Cheap as Nigerians Drag MTN, Others Over Data Wahala
Stay connected