My people, transfer window no fit close without wahala gist. As deadline dey near, Raymond Tochukwu just shock everybody, pack load enter Austria, join Wolfsberger AC.
And guess wetin? E go link up with him Naija brother Chibuike Nwaiwu. Austria don officially collect small Nigeria flavour, na weytin hitvibz yan be dat
Raymond Tochukwu Don Sign Wolfsberger Deal
Omo, na serious jackpot for the 21-year-old baller. Bros sign three-year contract sharp-sharp after him waka comot from Remo Stars.
Remember say na that same Remo Stars wey run rugged NPFL season 2024/25, break record, carry respect anyhow
Tochukwu no be benchwarmer oh. Guy play pass everybody for Ikenne boys, 34 matches, 2 goals, 4 assists.
E no dey joke – if na beer parlour scorecard, dem go call am “engine oil for midfield.”
Before him enter Austria, guy don rep Naija for African Nations Championship (CHAN). That one na clear sign say him chest don strong, him no go fear European wahala.
Double Wahala for Wolfsberger – Tochukwu + Nwaiwu Combo
Now gist sweet pass. Tochukwu go dey run midfield with Chibuike Nwaiwu – the same Nwaiwu wey don already dey scatter ground since him waka from Enyimba.
Imagine two Naija midfield generals for one pitch – e go be like ogbono soup with goat meat, no defender wan touch am.
Fans dey wait make dem see how this combo go ginger Wolfpack. Some don already dey call am “Naija engine room” for Austria Bundesliga.
And Hitvibz don catch the gist say Ikorodu City strongman Harrison Uzondu don also land for Austrian Bundesliga. Na so Wolfsberger don turn Naija embassy – three Nigerians don dey flex for the club now.
Who knows? Wolfsberger fit just turn to small Super Eagles branch.
From Academy Boy to Europe Dream
Make we no lie – Tochukwu journey sweet like weekend suya. Start from GBS Academy, pass small small stations like Nasarawa United, Plateau United.
Later na Remo Stars wey give am full shine, with one small loan waka to Sporting Lagos.
Now baba don hammer, dream don land, him don carry him leg enter Europe. If everything gel, e fit even dey shout “Champions League anthem” soon.
You like this gist abi?
Oya, we go like hear from you. Help us drop small comment for the box below!
Last Updated on September 5, 2025 8:09 pm by Hitvibz Media
Stay connected