Super Falcons of Naija don start dia 2025 Women’s African Cup of Nations (WAFCON) wella as dem nack Tunisia 3-0 for Casablanca, Morocco.
Dis Naija babes don send better warning give other African teams after dem beta am 3-0, na wetin Hitvibz dey report be dat.na wetin Hitvibz dey report be dat.
Super Falcons sharperly knack Tunisia
Goals from Asisat Oshoala, Babajide Rinsola and Chinwendu Ihezuo na wetin the Naija babes need take show say dem mean business for dis tournament.
From kickoff, the Falcons show say dem still be the team to beat for WAFCON.
E no even reach four minutes, Naija don score. Babajide Rinsola send correct cross, Oshoala jump reach sky, nod am enter net.
With dat early goal, Naija women control the game wella — dem dey pass ball sharp sharp, hold midfield and push der opponent back enter dia own box.
Rinsola and Ihezuo come kuku finish work
Even though some passes for Tunisia box no connect, dem still find way break through. Just as first half wan end, Rinsola knack another goal make am 2-0.
VAR check come show say Oshoala no foul anybody before the goal, so referee gree the goal stand.
Rinsola still do Diogo Jota style celebration, to hail the Liverpool baller wey kpai on Thursday.
With just six minutes remain for game to finish, Chinwendu Ihezuo come seal am — she sharply push ball enter bottom corner, make am 3-0 for Naija.
Na so Super Falcons take start dia WAFCON journey with better ginger.
You Like this post abi?
Oya, we go like hear from you abeg. Help us drop small comment for the box below!
Last Updated on July 6, 2025 9:23 pm by Hitvibz Media
Stay connected